மழையே மழையே மெத்த பெய்

மழை காலத்தில் தூங்கவிடாமல் எழுப்புவது பாவம் என்றால், எழுப்பியதோடு நில்லாமல் வேலைக்கு செல்ல வேண்டும் என்பதை நினைவுபடுத்துவது பெரும் பாவம். இந்த பாவத்தையும், பெரும்பாவத்தையும் என் மாமா செய்து கொண்டிருக்கிறார். என்ன கொடுமை, அட வேலைக்கு போய் தான் ஆகணும் என்றால் அவங்க அவங்க போக வேண்டியது தானே! எதுக்கு என்னை எழுப்பி, என் சாபத்தை வாங்கிட்டு!

எங்க ஊர்ல மழைகொட்டிட்டு இருக்கு. தொடர்ந்து ஒரு வாரத்திற்கு மழை தானாம். சூடா ஒரு சூப் சாப்பிட்டு கொண்டே, தோட்டத்தை பார்த்திட்டு இருக்கிறேன். அதோட பாலாண்ணா எழுதிற தினகுறிப்பிகளை படிச்சிட்டு இருக்கேன். பாலாண்ணா எதை எழுதினாலும் ரொம்ப சூடு பிடிக்குது. நான் எதை எழுதினாலும் ஏதோ நானே மிரட்டி இரண்டு பேரை படிக்க வைச்சால் தான் உண்டு. (ரகசியத்த வெளில சொல்லிட்டமோ?) பேசாம பாலாண்ணாவிடன் "பதிவில் எழுதுவது எப்படி" என ஒரு வகுப்பு எடுக்க சொல்லலாம் என்றிருக்கிறேன். பாவம் என்னை போல ரொம்பாஆஆஆஆஆஆஆஆஆஆ பேரு இருக்கிறாங்க.

மறுபடி மழைக்கு வந்திடலாம். வலைப்பூவில் மழை என்றாலே நினைவுக்கு வருவது மழை ஸ்ரேயா தான். சினிமாவில் மழையை வைத்து எத்தனை அராஜகம் செய்கிறார்கள். என்ன எப்பவாவது மழை அராஜகம் செய்யும் போது தான் பல உயிர்கள் போய்விடுகின்றது. அண்மையில் இலங்கையில் 22 பேர் பலியாகி உள்ளனர், 3 லட்சம் மக்கள் இடம்பெயர்ந்துள்ளனர். யுத்தத்தால் இடம்பெயர்வது தான் இலங்கையில் காலம் காலமாக பேணப்பட்டு வரும் பாரம்பரியம். இதில இது வேற...ஹிம்ம்ம். அப்புறம் பார்த்தா லக்கிண்ணா ஊர்ல கூட கொஞ்ச நாள் முன்னாடி மழை ரொம்ப பெய்து வெள்ளம் வந்ததாக சொன்னார். நீந்தி வந்து தானே பதிவே போட்டாராம் என்றால் பார்த்துக்குங்க!

ரொம்ப மழைய பார்த்தா, பிழைப்பை யார் பார்ப்பது என தொலைபேசி எடுத்து கேட்கும் அளவுக்கு என் வேலைத்தளம் முன்னேறிவிட்டதால், இத்துடன் மழைப்பதிவை நிறுத்திக்கலாம். (தப்பிச்சிட்டிங்க என கனவு வேண்டாம்) விடாது கறுப்பு...

ஒரு மழைக்கவிதை. பாலாண்ணா படித்ததில் பிடித்து வலைப்பூவில் எழுதியுள்ளார்.

மழை= கவிதை

மழை வந்தது...
ஒரு குளிருகின்ற நெருப்பின் தகிப்பில்
அதன் பொழிவு

இயல்புடைத்துச் சீறும் காளையென
அதன் தினவு

கொடூரம் நிரம்பி வழியும்
கொலையாளியின் நடையாய்
மழையின் திசை விரைவு

பெருங்காற்றின் துணையோடு
மானுடத்தின் மீது படையெடுத்தது
மழை

தொடர்ந்து படிக்க: மழை கவிதை

அப்புறம் கேட்க மறந்திட்டனே, தலைப்பில இருக்கிறது ஒரு மழைப்பாட்டு. மீதி வரிகள் தெரிந்தால் பகிர்ந்துகொள்ளவும்.