சில 'பிரபல' பதிவர்களும், விவசாயமும் (அதிரடி பதிவு)

நம்மள சுத்தி இருக்கிற பதிவர்களில் பலர் நிலத்தை வாங்கி போட்டு விவசாயம் பண்ண தொடங்கிட்டாங்கன்னு கேள்விப்பட்டேன். அட மொக்கை பதிவு போட்டடே காலம் தள்ளுற (என்னைப்போன்ற..கிகிகி) பதிவர்களே இப்படி புத்திசாலித்தனமா விவசாயம் பண்ண ஆரம்பிச்சிட்டாங்களேன்னு, நானும் கொஞ்ச நிலத்தை வாங்கி போட்டிருக்கேன்.

நாம தான் விவசாயத்துக்கு புதுசாச்சேன்னு நம்ம மொக்கை விவசாயி...ச்ச் சாரி நம்ம சஞ்சய் விவசாயி நிலத்துக்கு போனா, அங்கு பயிர் எல்லாம் காஞ்சு போய் கிடக்கு. என்ன கொடுமை சஞ்சய்? கிராமத்துக்கு என்று தனி வலைப்பூ வைத்தால் மட்டும் போதுமா? பயிர் செய்ய தெரிய வேண்டாமா??

சரி சஞ்சய் போனால் என்ன, அவரோட நெருங்கிய நண்பர் என்னோட ஜோசப் அண்ணா நிலத்துக்கு போனேன். அட கொடுமை கொடுமைனனூ கோயிலுக்கு போனா, அங்க ஒரு கொடுமை நாக்கு முக்கா ஆடிட்டில்ல இருக்கு. பின்ன, ஒரு ஊருக்கே தானியம் தரலாம் போல!! இதில மூன்று யானைய வேற கட்டி போட்டிருக்கார்...சிங்கையில இது தான் வேலை போல..

கானாஸ் நிலத்தை பத்தி சொல்லவே வேண்டாம். ஏதோ பாட்டு போட்டதுக்காக அவரோட ரசிகர் யாரோ நிலத்தை எழுதி வச்சிட்டாங்களாம். அட கழுதைக்கு (சாரி கானாஸ்)தெரியுமா கற்பூர வாசனை.கிகிகி என்னிக்கோ நட்ட ஸ்டோபரி மரம் கருவாடா போய் கிடக்கு. கானாட்ட பாட்டை தான் எதிர்பார்க்கணும், பயிரை அல்ல

அடுத்து என் பெரிய பங்கு (வந்தியத்தேவன்) நிலத்து போய் பார்த்தேன். அப்புறம் தான் தெரிஞ்சுது போகாமலே இருந்திருக்கலாம் என. பின்ன என்ன, நட்டதே நாலு ஸ்டோபரி. அதில பாதி காஞ்சு போய்டிச்சு. மீதிக்கு தான் பக்கத்தில ஒரு பசுவை கட்டி போட்டிருக்காரே. ம்ம்கும் பங்கை பார்த்து எங்க நான் விவசாயம் பண்ண?

சரி அடுத்து ஒரு பொம்பளபிள்ளை நிலத்துக்கு போகலாம்னு நினைச்சிட்டு, இயற்கையின் விவசாயத்தை பார்க்க போனேன். என்ன சொல்லுங்க, பொண்ணுங்க பொண்ணுங்க தான். அழகா நிலத்தை வடிவமைத்து....இவங்கள முதல்லயே பார்த்திருக்கலாம்னு தோணுது இப்போ..

ரொம்ப முக்கியமான விசயம் என்ன என்றால், நம்ம ஆசிப் அண்ணா தான் விவசாயத்தில முன்னுக்கு நிற்கிறார். ஒரு மனுசனுக்கு பேராசை கூடாது என்கிறேன்..போய் பாருங்க அவரோட நிலத்தை. தலை சுத்திடும். அண்ணா இப்படித்தான் பணம் சம்பாதிக்கிறார் என்று இப்போ தான் புரிஞ்சுது. ஒரு மனுசன் ஒரு யானை வளர்க்கலாம், சரி நாலு யானை வளர்க்கலாம்....ஆனால் காட்டில இருக்கிற அத்தனை யானையையும் புடிச்சிட்டு வந்து வளர்க்கிறது என்பது....என்னத்த சொல்ல..

இன்னும் சிலரோடத நீங்களே உங்க Facebook Farmville ல போய் பார்த்துக்குங்க. பதிவெழுத நேரம் இல்லைன்னு சொல்லிட்டு அந்த பக்கமா விவசாயம் எல்லோ பண்ணிட்டு இருந்திருக்காங்க இவங்க..பிடிச்சிட்டோம்ல..நாங்களும் நிலத்தை வாங்கி பயிர்பண்ண ஆரம்பிச்சாச்சு. யாருக்காச்சும் மரம், மிருகங்கள் வேணும்னா சொல்லுங்க..அனுப்பிடுவோம்ல ;)

இதில பெரிய கொடுமை என்ன என்றா, சில பேரு வச்சிருக்கிறதே நாலு காஞ்சு போன செடி. சரி என்ன தான் இருக்குன்னு அவங்க நிலத்தை பார்க்க போனா, காக்கா என் பயிரை எடுக்குது, விரட்டி விடுன்னு சொல்லுறாங்க. எலே காஞ்ச தோட்டத்துக்கு ஒரு காக்கா, அதை நாங்க விரட்டனுமா..

பி.கு:
1. பிரபல பதிவர்கள் என குறிப்பிட்டதற்காக எனக்கு ஒரு யானையை அனுப்புங்கன்னு கேட்க மாட்டேன்.
2. நான் யாரையும் மிரட்டி எனக்கு இன்று என்ன அனுப்பினிங்க? அப்படி கேட்பதேயில்லை.
3. பதிவின் தலைப்பு எப்படி ;)

கிகிகி வரட்டா ;)